Mutumin Da Yake Sayar Wa Da ’Yan Bindiga Babura Ya Shiga Hannu A Kano

’Yan sanda sun cafke wani mutum da ake zargi yana sama wa ’yan bindiga baburan da suke kai hare-hare a Jihar Zamfara.

Rahoton da shafin BBC Hausa ya ruwaito ya ce mutumin wanda aka kama a Jihar Kano, bayanai sun nuna cewa yana sayen baburan sannan ya kai wa ’yan bindigar a Jihar Zamfara inda suke saye a kan farashi mai yawan gaske.

Kakakin rundunar ’yan sandan Kano DSP Abdullahi Haruna Kiyawa, ya ce mutum da aka kama ya shaida musu cewa ya sayar wa da ’yan bindigar akalla babura dari a kan farashin da ya haura naira dubu dari shida duk daya.

DSP Kiyawa ya ce bayanan sirri da suka tattaro a wurin wadanda mutumin yake sayen baburan a wurinsu a Jihar Knao sune suka taimaka wajen samun nasarar damke shi.

Sojoji Sun Kashe ’Yan Ta’adda 6 a Sakkwato

An kama matar da ake zargi da kai wa Bello Turji makamai daji a Zamfara

An Kashe Shahararren Dan Ta’adda Gwaska, Yayin Da Mazauna Yakin Yantumaki Ke Hijira Kan Tarar N30m Da Barazanar Kisa

Shugaba Buhari Ya Bukaci Shugabannin Tsaro Su Kawo Sabbin Dabaru Kan Tsaron Kasar Nan

Ya ce mutumi yak an shigo Kano daga Zamfara inda bayan ya sayi baburan sai ya sake komawa Zamfara domin ya kai wa ’yan bindigar su kulla cinikayyarsu.

“Babur yake sayarwa kirar Honda ACE 125, wanda ake kiransa da Boko Haram a can jihar Zamfara, wanda gwamnatin jihar tuni ta hana amfani da shi.”

“Idan suka zo jihar Kano sais u saya su sauya musu kwali, a hake suke shigar da shi daji, inda a can ake hada shi sannan su yi amfani da shi wajen kai wa mutane hare-hare,” in ji DSP Kiyawa.

Ya kara da cewa, sun kama mutumin ne da Babura guda biyu, wanda har an sauya musu kwali za a fitar da su daga Jihar Kano zuwa Zamfara.

Sau tari mutanen gari musamman a Jihohin da hare-haren ’yan bindiga suka yi kamari na Jihar Katsina da Zamfara, sun bayar a shaidar cewa ana kai musu hari ne a kan Babura, lamarin da ya sanya gwamnatin jihar Zamfara ta dauki matakin haramta amfani da wasu daga irin wadannan Babura don tabbatar da tsaro.